Ko saɗi mon ko toolii !
Yo Joomiraaɗo on waɗu barki e mon, o danda on.
Yo Joomiraaɗo on punnor on moƴƴere, o tippina sulfu makko on e mon!
Yo Joomiraaɗo on fewtu on, o yeɗa on kadi ɓuttu.
Tawreeta Annabi Muusaa
Hara ko e laawol feewungol ngol wonɗon e mun, kaa ko e ɓoyliingol ngol? No windii ka Linjiila: «Weelaaɓe ɗonɗaa peewal ɓen ko malaaɓe, ko fii ɓe harnoyte.» (Matta 5:6) No gasa no woodi wi’ooɓe: «Min miɗo andi ngol laawol feewungol. Haaju an alaa e taskagol ka defte annabaaɓe aranɓe ɓen. Koo ko mi andi no yonanin mi.» Awa si tawii ko ɗun woni miijo mon, heɗee ɗoo ko oo annabaajo Alla maaketeeɗo Sulaymaana on maaki: «Neɗɗo no sikka laawol mun no feewi, hara-le ngol ko nawrayngol e mayde.» (Deftere Tindi Annabi Sulaymaana14:12).
Alaa ko ɓuri hittande neɗɗo wa jogagol pellital ko e nder laawol feewungol ngol Alla tigi sincani mo ngol o woni e mun. Ɗibbee ley ɗoo fii ɓeydugol faamu fii laawol kisiyeewol Alla ngol e eɓɓoore makko nden.
Ka haqiiqa, kala ko windii ka Daaluyee Alla no hitti fota. Ɗun ko windiraa ko yo jamaanu kala aru e andude laawol kisiyeewol Alla ngol. Hara hiɗon andi ko annabaaɓe Alla ɓen windi kon? Alla faala yo en jangu faamen Daalol makko ngol, heɓen gomɗinal! E ko windii ka Linjiila kon: «Awa meɗen jogitii ko ɓuri e haqinqinde konguɗi ɗi annabaaɓe ɓen longinaa ɗin, kon ko tawata on waɗii ko moƴƴi fii wattangol yila, wa lampu huɓɓuɗo e nokkuure niɓɓitunde, haa nde fajiri on feeri, jaawiire nden toowi ndaygini ɓerɗe mon ɗen.» (2Petruusu 1:19) Ɗibbee ley ɗoo fii jangugol Daluyee Alla mo o halfinii e juuɗe annabaaɓe ɓen.
Jangugol maa heɗagol Daluyee Alla on no hitti fota. Jooni hiɗon waawi jangude e heɗaade Daaluyee Alla on ka telefon mon Android. Ɗibbee ley ɗoo fii telesarsugol app Baraaji, hara on jangay maa on heɗoto Bindi Alla Seniiɗi Ɗin e haala Pular.
Si hiɗon faalaa jangude site amen Facebook maa yewtirdude e men Facebook Messenger, meemee ley ɗoo.
