On jaaraama ! Ko saɗi mon ko toolii !
Menen, ko men woni talibaaɓe e jokkuɓe laawol Alla ngol. Jokkee men fewndo ko wonɗon e ɗaɓɓude laawol Alla ngol ka Bindi makko Seniiɗi ɗin.
Alla Joomiraaɗo men on ko mawɗo, laaɓuɗo, moƴƴo, awa kadi o waylotaako. Ko kanko handi e mangural haa poomaa. Men salminii on e innde oo Alla Jooma-ɓuttu, faalaaɗo e mo kala andu jaɓa laawol feewungol ngol o sinci. Ko oo tigi heɓa ɓuttu makko poomayankeewu ngun.
Alla daalii! Ko ɗun woni ko ɓuri e hittude. Ko Jom-ɓural on woni ko daali! Ko neɗɗo non o daalani, ɗun ko enen nguu jamaanu. Ɗun ɗoo ko Kibaaru Moƴƴo nii. E piinde misal, si on hendike ɓatakuru iwrundu ka peresidan on, on jangay ndu, kaa on jangataa? Tawa-le Daaluyee Alla on no ɓuri ɗun hittude fota, ɓay ko kanko Allaahu Jom-ɓural on tigi woni ko daalani en!
Ka haqiiqa, kala ko windii ka Daaluyee Alla no hitti fota. Ɗun ko windiraa ko yo jamaanu kala aru e andude laawol kisiyeewol Alla ngol. Hara hiɗon andi ko annabaaɓe Alla ɓen windi kon? Alla faala yo en jangu faamen Daalol makko ngol, heɓen gomɗinal!
Kala non Daaluyee wonɗo ka deftere, ko enen Ɓanii-Aadama o daalanaa. Alaa ko ɓuri Daalol Alla ngol e hittunde! Hingol wa’ita wa maaro e teewu. Fow no fotti maaro e teewu no weli no moƴƴani ɓandu. Kono mo ɲamaali wawataa yi’ude nafa e mun. Bee tun si ootigi neeminor ɗun. Ko ko mi handi e mun. Ko wano non kadi, mi handiri e heɗagol Daalol Alla ngol, ko fii ko kangol woni neema wonkiiji men ɗin.
Ko onon yo hulooɓe Alla wattani yila e ko o daali kon. Alla no yiɗi en, himo faalaa kadi yo en jento Daaluyee makko on fii no o laɓɓinira en takko makko! En fow hiɗen haani fellitude ndee huunde ɗoo: Alla daalii, himo faalaa yo mo kala heɗo, wuura! Ɗun non ko gila e paykun haa e mawɗo, gila e gorko haa e debbo, alɗuɗo e miskiino fow. Alla no yamiri fow wonde: «Heɗitee, fii yo wonki mon kin wuuru.» (Deftere Annaabi Isaaya 55:3)
Fii yewtidugol e men, ɗibbee ka mbodo kecco daaneejo ka sengo ɲaamo ley.
